OFFERYNNAU STATUDOL CYMRU
2012 Rhif 1198 (Cy. 148 )
BWYD, CYMRU
Rheoliadau Ychwanegion Bwyd (Cymru) (Diwygio) a Thoddyddion Echdynnu mewn Bwyd (Diwygio) (Cymru) 2012
NODYN ESBONIADOL
(Nid yw’r nodyn hwn yn rhan o’r Rheoliadau)
1. Mae'r Rheoliadau hyn yn gwneud diwygiadau penodol i Reoliadau Ychwanegion Bwyd (Cymru) 2009 (O.S. 2009/3378 (Cy.300)) (“Rheoliadau 2009”) er mwyn darparu ar gyfer gweithredu a gorfodi yng Nghymru—
(a) Rheoliad y Comisiwn (EU) Rhif 1129/2011 sy'n diwygio Atodiad II i Reoliad (EC) Rhif 1333/2008 Senedd Ewrop a'r Cyngor drwy sefydlu rhestr Undeb o ychwanegion bwyd (OJ Rhif L295, 12.11.2011, t.1) (“Rheoliad 1129/2011”);
(b) Rheoliad y Comisiwn (EU) Rhif 1130/2011 sy'n diwygio Atodiad III i Reoliad (EC) Rhif 1333/2008 Senedd Ewrop a'r Cyngor ar ychwanegion bwyd drwy sefydlu rhestr Undeb o ychwanegion bwyd a gymeradwyir i'w defnyddio mewn ychwanegion bwyd, ensymau bwyd, cyflasynnau bwyd a maethynnau (OJ Rhif L295, 12.11.2011, t.178) (“Rheoliad 1130/2011”); ac
(c) Rheoliad y Comisiwn (EU) Rhif 231/2012 sy'n gosod manylebau ar gyfer ychwanegion bwyd a restrir yn Atodiadau II a III i Reoliad (EC) Rhif 1333/2008 Senedd Ewrop a'r Cyngor (OJ Rhif L83, 22.3.2012, t.1) (“Rheoliad 231/2012”).
2. Mae'r Rheoliadau hyn yn diwygio Rheoliadau 2009 yn y fath fodd ag i—
(a) diwygio'r diffiniadau o “lliw a ganiateir”, “melysydd a ganiateir” a “meini prawf purdeb” i gyfeirio at Reoliad 231/2012 (rheoliad 2(2)(a),(b) ac (c));
(b) estyn y diffiniad o Reoliad 1333/2008 i gynnwys cyfeiriad at Reoliad 231/2012 (rheoliad 2(2)(d));
(c) mewnosod diffiniadau o'r tri Rheoliad UE a grybwyllwyd ym mharagraff 1 (rheoliad 2(2)(e));
(d) cynnwys Rheoliad 231/2012 yn y rhestr o offerynnau UE y mae cyfeiriad newidiadwy'n cael ei wneud atynt (rheoliad 2(3));
(e) cynnwys cyfeiriad at Reoliadau 1129/2011 a 1130/2011 yn rheoliad 14 (rheoliad 2(4)(a));
(f) hepgor y cyfeiriadau yn rheoliad 14 at Erthygl 4.2 o Reoliad 1333/2008 (rheoliad 2(4)(b)); ac
(g) mewnosod cyfeiriad at Erthygl 4.2 yn yr Atodlen o ddarpariaethau Rheoliad 1333/2008 penodedig (rheoliad 2(5)).
3. Mae'r Rheoliadau hyn yn gwneud diwygiad hefyd i Reoliadau Toddyddion Echdynnu mewn Bwyd 1993 (O.S. 1993/1658) er mwyn cywiro hepgoriad o Reoliadau Toddyddion Echdynnu mewn Bwyd (Diwygio) (Cymru) 2011 (O.S. 2011/1849 (Cy.199)) (rheoliad 3).
4. Ystyriwyd Cod Ymarfer Gweinidogion Cymru ar wneud Asesiadau Effaith Rheoleiddiol mewn perthynas â'r Rheoliadau hyn. O ganlyniad, ystyriwyd nad oedd yn angenrheidiol gwneud asesiad effaith rheoleiddiol o'r costau a'r buddiannau tebygol o gydymffurfio â'r Rheoliadau hyn.
OFFERYNNAU STATUDOL CYMRU
2012 Rhif 1198 (Cy. 148 )
BWYD, CYMRU
Rheoliadau Ychwanegion Bwyd (Cymru) (Diwygio) a Thoddyddion Echdynnu mewn Bwyd (Diwygio) (Cymru) 2012
Gwnaed 27 Ebrill 2012
Gosodwyd gerbron Cynulliad Cenedlaethol Cymru 2 Mai 2012
Yn dod i rym 23 Mai 2012
Mae Gweinidogion Cymru yn gwneud y Rheoliadau canlynol drwy arfer y pwerau a roddwyd gan adrannau 16(1)(a), (c) ac (f), 17(1) a (2) a 48(1) o Ddeddf Diogelwch Bwyd 1990([1]) ac sydd bellach wedi eu breinio ynddynt([2]), fel y’i darllenir ynghyd â pharagraff 1A o Atodlen 2 i Ddeddf y Cymunedau Ewropeaidd 1972([3]).
Mae'r Rheoliadau hyn yn gwneud darpariaeth ar gyfer diben a grybwyllir yn adran 2(2) o Ddeddf 1972, ac mae'n ymddangos i Weinidogion Cymru ei bod yn hwylus i gyfeiriadau at Atodiad i offeryn UE a bennir yn rheoliad 2(3) gael eu dehongli fel cyfeiriadau at yr Atodiad hwnnw fel y'i diwygir o bryd i'w gilydd.
Yn unol ag adran 48(4A) o Ddeddf Diogelwch Bwyd 1990, maent wedi rhoi sylw i gyngor perthnasol a roddwyd iddynt gan yr Asiantaeth Safonau Bwyd.
Fel sy'n ofynnol gan Erthygl 9 o Reoliad (EC) Rhif 178/2002 Senedd Ewrop a'r Cyngor, sy'n gosod egwyddorion cyffredinol a gofynion cyfraith bwyd, ac yn sefydlu Awdurdod Diogelwch Bwyd Ewrop ac yn gosod gweithdrefnau o ran materion diogelwch bwyd([4]), cafwyd ymgynghori agored a thryloyw â'r cyhoedd yn ystod cyfnod paratoi a gwerthuso'r Rheoliadau hyn.
Enwi, cymhwyso a chychwyn
1.—(1)(1) Enw'r Rheoliadau hyn yw Rheoliadau Ychwanegion Bwyd
(Cymru) (Diwygio) a Thoddyddion Echdynnu mewn Bwyd (Diwygio)
(Cymru) 2012.
(2) Mae'r Rheoliadau hyn yn gymwys o ran Cymru ac yn dod i rym ar 23 Mai 2012.
Diwygio Rheoliadau Ychwanegion Bwyd (Cymru) 2009
2.—(1)(1) Mae Rheoliadau Ychwanegion Bwyd (Cymru) 2009([5]) wedi eu diwygio'n unol
â pharagraffau (2) i (5).
(2) Ym mharagraff (1) o reoliad 2 (dehongli)—
(a) yn lle'r diffiniad o “lliw a ganiateir” rhodder y diffiniad canlynol—
“ystyr “lliw a ganiateir” (“permitted colour”)—
(a) cyn 1 Rhagfyr 2012, yw unrhyw liw a restrir yn Atodiad I i Gyfarwyddeb 94/36 sy'n bodloni'r meini prawf purdeb penodol ar gyfer y lliw hwnnw a nodir yn yr Atodiad i Gyfarwyddeb 08/128;
(b) ar neu ar ôl 1 Rhagfyr 2012, yw unrhyw liw a restrir yn Atodiad I i Gyfarwyddeb 94/36 sy'n bodloni'r meini prawf purdeb penodol ar gyfer y lliw hwnnw a nodir yn yr Atodiad i Reoliad 231/2012;”;
(b) yn lle'r diffiniad o “melysydd a ganiateir” rhodder y diffiniad canlynol—
“ystyr “melysydd a ganiateir” (“permitted sweetener”)—
(a) cyn 1 Rhagfyr 2012—
(i) yw unrhyw felysydd a bennir yn yr ail golofn o’r Atodiad i Gyfarwyddeb 94/35 sy’n bodloni’r meini prawf purdeb penodol ar gyfer y melysydd hwnnw a nodir yn Atodiad I i Gyfarwyddeb 08/60; neu,
(ii) yn achos glycosidau stefiol E960, yw melysydd sy’n bodloni’r meini prawf purdeb ar gyfer y melysydd hwnnw a nodir yn yr Atodiad i Reoliad 231/2012;
(b) ar neu ar ôl 1 Rhagfyr 2012—
(i) yw unrhyw felysydd a bennir yn yr ail golofn o’r Atodiad i Gyfarwyddeb 94/35; neu
(ii) yw glycosidau stefiol E960
sy’n bodloni’r meini prawf purdeb penodol ar gyfer y melysydd hwnnw a nodir yn yr Atodiad i Reoliad 231/2012;”;
(c) yn lle'r diffiniad o “meini prawf purdeb” rhodder y diffiniad canlynol—
“ystyr “meini prawf purdeb” (“purity criteria”), mewn perthynas ag ychwanegyn amrywiol—
(a) cyn 1 Rhagfyr 2012, yw’r meini prawf purdeb a nodir mewn perthynas â’r ychwanegyn hwnnw yn Atodiad I i Gyfarwyddeb 08/84 neu, yn achos copolymer methacrylad basig E1205, yn yr Atodiad i Reoliad 231/2012;
(b) ar neu ar ôl 1 Rhagfyr 2012, yw’r meini prawf purdeb a nodir mewn perthynas â'r ychwanegyn hwnnw yn yr Atodiad i Reoliad 231/2012;”;
(d) ar ddiwedd y diffiniad o “Rheoliad 1333/2008” mewnosoder “fel y'i darllenir ynghyd â Rheoliad 231/2012”; ac
(e) ar ôl y diffiniad o “Rheoliad 1333/2008” mewnosoder y diffiniadau a ganlyn—
“ystyr “Rheoliad 1129/2011” (“Regulation 1129/2011”) yw Rheoliad y Comisiwn (EU) Rhif 1129/2011 sy'n diwygio Atodiad II i Reoliad (EC) Rhif 1333/2008 Senedd Ewrop a'r Cyngor drwy sefydlu rhestr Undeb o ychwanegion bwyd, fel y'i darllenir ynghyd â Rheoliad y Comisiwn (EU) Rhif 1131/2011 sy'n diwygio Atodiad II i Reoliad (EC) Rhif 1333/2008 Senedd Ewrop a'r Cyngor o ran glycosidau stefiol;
ystyr “Rheoliad 1130/2011” (“Regulation 1130/2011”) yw Rheoliad y Comisiwn (EU) Rhif 1130/2011 sy'n diwygio Atodiad III i Reoliad (EC) Rhif 1333/2008 Senedd Ewrop a'r Cyngor ar ychwanegion bwyd drwy sefydlu rhestr Undeb o ychwanegion bwyd a gymeradwyir i'w defnyddio mewn ychwanegion bwyd, ensymau bwyd, cyflasynnau bwyd a maethynnau;
ystyr “Rheoliad 231/2012” (“Regulation 231/2012”) yw Rheoliad y Comisiwn (EU) Rhif 231/2012 sy'n gosod manylebau ar gyfer ychwanegion bwyd a restrir yn Atodiadau II a III i Reoliad (EC) Rhif 1333/2008 Senedd Ewrop a'r Cyngor;”.
(3) Yn lle paragraff (6) o reoliad 2, rhodder y canlynol—
“(6) Yr offerynnau UE yw Cyfarwyddeb 94/35, Cyfarwyddeb 95/2, Rheoliad 1333/2008 a Rheoliad 231/2012.”
(4) Yn rheoliad 14(2) (tramgwyddau a chosbau)—
(a) ar ôl yr ymadrodd “Erthygl 34 o Reoliad 1333/2008,” ychwaneger “Erthygl 2 o Reoliad 1129/2011 ac Erthygl 2 o Reoliad 1130/2011,”; a
(b) hepgorer is-baragraffau (b) ac (c).
(5) Yn y tabl yn yr Atodlen (darpariaethau Rheoliad 1333/2008 penodedig), yn union ar ôl y cofnodion sy'n ymwneud ag Erthygl 4.1 mewnosoder y cofnodion a ganlyn—
“Erthygl 4.2 (fel y'i darllenir ynghyd ag Erthyglau 12, 13.2 a 18.3) |
Gofyniad mai dim ond ychwanegion bwyd a gynhwysir yn y rhestr yn Atodiad III i Reoliad 1333/2008 a gaiff eu defnyddio mewn ychwanegion bwyd, ensymau bwyd, cyflasynnau bwyd a maethynnau a hynny o dan yr amodau defnydd a bennir yn yr Atodiad hwnnw.” |
Diwygio Rheoliadau Toddyddion Echdynnu mewn Bwyd 1993
3.—(1)(1) Mae Rheoliadau Toddyddion Echdynnu mewn Bwyd
1993([6]) wedi eu diwygio o
ran Cymru yn unol â pharagraff (2).
(2) Yn Atodlen 1 Rhan I (toddyddion echdynnu a ganiateir) ychwaneger fel cofnod rhif 22 yng Ngholofn 1 y geiriau “Dimethyl ether”.
Lesley Griffiths
Y Gweinidog Iechyd a Gwasanaethau Cymdeithasol, un o Weinidogion Cymru
27 Ebrill 2012
([1]) 1990 p.16. Amnewidiwyd adran 1(1) a (2) (diffiniad o “food”) gan O.S. 2004/2990. Diwygiwyd adrannau 17 a 48 gan baragraffau 12 a 21 yn eu trefn o Atodlen 5 i Ddeddf Safonau Bwyd 1999 (1999 p.28), (“Deddf 1999”). Diwygiwyd adran 17 hefyd gan baragraff 8 o Atodlen 5 i Ddeddf 1999 a chan O.S. 2007/1388. Diwygiwyd adran 48 hefyd gan O.S. 2004/2990. Diwygiwyd adran 26(3) gan Atodlen 6 i Ddeddf 1999. Diwygiwyd adran 53(2) gan baragraff 19 o Atodlen 16 i Ddeddf Dadreoleiddio a Chontractio Allan 1994 (1994 p.40), Atodlen 6 i Ddeddf 1999, O.S 2004/2990 ac O.S. 2004/3279.
([2]) Trosglwyddwyd y swyddogaethau hynny, i'r graddau y maent yn arferadwy o ran Cymru, i Gynulliad Cenedlaethol Cymru gan O.S. 1999/672 fel y'i darllenir ynghyd ag adran 40(3) o Ddeddf 1999, a'u trosglwyddo wedi hynny i Weinidogion Cymru gan baragraff 30 o Atodlen 11 i Ddeddf Llywodraeth Cymru 2006 (2006 p.32).
([3]) 1972 p.68. Mewnosodwyd paragraff 1A o Atodlen 2 gan adran 28 o Ddeddf Diwygio Deddfwriaethol a Rheoleiddiol 2006 (2006, p.51) ac fe'i diwygiwyd gan O.S. 2007/1388 a Rhan 1 o Atodlen 1 i Ddeddf yr Undeb Ewropeaidd (Diwygio) 2008 (2008 p.7).
([4]) OJ Rhif L31, 1.2.2002, t.1. Diwygiwyd y Rheoliad hwnnw ddiwethaf gan Reoliad y Comisiwn (EC) Rhif 596/2009 Senedd Ewrop a'r Cyngor sy'n addasu nifer o offerynnau sy'n ddarostyngedig i'r weithdrefn y cyfeirir ati yn Erthygl 251 o'r Cytuniad i Benderfyniad y Cyngor 1999/468/EC o ran yr weithdrefn reoleiddio ynghyd â chraffu: Addasiad i'r weithdrefn reoleiddiol gyda chraffu – Rhan Pedwar (OJ Rhif L188, 18.7.2009, t.14).